رحايا,, همسات قلم نور الهدايه
رحايا خرسه وعميه وما بتسمعش
طاحنه بحجرها قلوب ونفوس وما بترحمش
حجر صوان ما بيحسش ولا يقدرش
بكل القسوة يلف يدور بطيء مابيسرعش
ماحد فى إيده يوقفها ,, يمنعها ,, ما بتلينش
لاليها قانون ولا محاكمه ولا تعرف خلاص معلش
**
على لحن الأنين تطرب وتقوى كمان ماتضعفش
نزف القلب يرويها ويزيدها ما بتنقصش
وجع المجروحين بيها بيسعدها ما بتحزنش
كلمة آآآه بتحقق أمانيها مابتخزلش
لون الدم يحييها كتروس جاحده ماتكسرش
وحش سنانه مسنونه ومجنونه ما بتعقلش
****
قلوب ماتت من القسوة بتاخد منا ما تجيبش
وبين الكدب وخداعه نتوه مع ناس بألفين وش
العمر بينا بيعدى بدمعه ولا بسمة غش
بلحظه سعيده و يوم حزن مابتفرقش
مانملك إلا نقبلها ونستحملها ما نرفضش
ضعنا ولا عدينا هنكمل و ما نرجعش
همسات قلم نور الهدايه
0 التعليقات:
إرسال تعليق