ماهوش ذنبي
ولا ذنبك
ندوق مرارة الايام
ومش غلطه
ولا ذله
ولا كابوس من الأحلام
عشنا حقيقه بتفاصيلها
مش كدبه
ولا أوهام
قولنا كتير
شكينا
وحسينا
وحكينا ياما كلام
راحت أيام
وجت غيرها
وانا وانت
موجه فى بحر غرام
عمر فراق ماحال بينا
ولا زارنا مرة خصام
لف العمر
ودار بينا
خدنا معاه
فى وسط زحام
تاهت بينا خطاوينا
وتاهت منا نفسينا
ولا فيه حتى
عتاب وملام
لقينا روحنا فى سكاتنا
وغٌربه عجيبه لفتنا
والف سؤال وإستفهام
مين فينا ضيع التانى
إنت وأنا كنا
واحد مالوش تانى
وسرقت حبنا الأيام
أتارى خصامنا وعتابنا
نبض الروح لمشاعرنا
نسيونا لما نسيناهم
وبات الحب بينا ركام
همسات قلم نور الهدايه