مش انت قلبي
لأ... مش انت قلبي
القاسي بتاع زمان
دا انت كنت جنبي
طول عمرك و مطاوعني
وبتسمع الكلام
من يوم ما سمعت صوته
ونداك من بين سكوته
سيبتني ورحت عنده
اشتريته وبعتني
نبضك تاه جوه نبضه
وبتتنفس بحبه
ولما رجعت
جيتلي
مش قلبي اللي كان
دلوقتي عصيت عليا
مابقتش تحس بيا
ليلك ونهار بتحكي
وتقول بس عليه
انا حذرتك كتير
خفت تحزن او تغير
بس انت سيبتني
وبسرعه جريت عليه
هو عشان قلبه جميل
وحنانه مالوش مثيل
ولا عشان روحه حلوه
وكلامه ليا غنوه
حبيته ليه ياقلبي
ليه رحت وفوتني
اعيش ازاي وليه
وانا قلبي مش معايا
طيب خلاص هاوافقك
وهاسمع الكلام
وهقوله بحبك
ماقدرش استغني عنك
ياتجيب قلبي عندي
ياتاخدني اعيش في قلبك
وتسمع الكلام
0 التعليقات:
إرسال تعليق