طل الهلال
في عز الليل والضلمه لفه الكون
طل الهلال في السما بشر بنور وسرور
وبعد توهة سنه
عدت صخب وسكون
اهو جالنا شهر الكرم
والمغفرة والصوم
ياريتني ارجع طفله تجري بفانوس مسحور
في كل نور من لونه حلم جميل منثور
الابيض احلم معاه بفجر كان محظور
والاحمر الاقي فيه لون الزهور وعطور
وفيه اصفر كمان بلون الكهرمان
ولون اخضر جميل بيحكي خير النيل
وازرق صفاء السما ومعاها سر بحور
فانوسي جمع الجمال بين كفي شعلة نوور
احلم والف معاه زي القمر ما يدور
اضحك واعيش وياه اميرة بدر بدور
وارجع وافتح عيني
واقول يارب اهديني
عينني صيام وقيام
ثبتني علي ديني
فقهني في القران
ارزقني يارب حبك
حببني في اللي يحبك
واللي يقربني منك
وينولني رضاك
0 التعليقات:
إرسال تعليق