طل القمر في سماه يسمع غنايا ليك

شاف ضي حبك في عيني

سبقني ينادي عليك

بعت القمر ضيه

قالي اوصفيلي عينيه

قلت: لوشافها ضيك هتغطي هي عليه

دي عين حبيبي ياقمر اجمل ماشفت فيه

عيون جميله بلون العسل صافيه

ليها نظره بتسحر وتحسها دافيه

وتكتفي م السعاده لو شفت صورتك فيه

تلافي احلي كلام..وتدوب معاه ف معانيه

عيون حبيبي صادقه..بتقول فيه ايه جواه

تحكي تقولك بحبك...تروح معاها الاه

تاخدك في حضن النني تتمني تفضل معاه

تنسي انت رايح فين وتعيش عشان تلقاه

عيون حبيبي البحر وهو ف عز صفاه

تاخدك في مركب شراع

وتروح لعالم تاه

موج يطبطب عليك ويهدهدك..ما احلاه

في نظره واحده تعيش رحله جميله معاه

posted under |

نور القلوب