راح في لحظه
حبك في قلبي اتولد
حبيته..
حسيته..
وعشت انا بيه
كبر وخدني في دنيته
من غير ما حتي اقوله ليه
فجأه لقيته بيترسم قدام عينيا
وكل عمري اعيشه بيه
عشتك انت ..مش سنيني
شفتك بحبك..مش بعيني
حسيت بقلبك.. مش حنيني
حتي عقلي كان معاك..مارضيش يجيني
ولو في يوم خادني الزمان
او تهت فيه
كنت بارجع لما صوتك بيناديني
ولو في يوم منه اتجرحت
لمسه ايديك..
هي بس بتداويني
نظره واحده من عينيك
كانت حوار بينك وبيني
علي قد حبي ما كان كبير
واحساسي قد ايه كان بيك جميل
جرحك كمان كان شديد في قسوته
جرحك نزف من قلبي كل محبته
قلبي نزف كل حبه واللي فات
فجأه اتمحت من عيني اجمل ذكريات
حتي صوتك
اللي كان من توهتي بيناديني
ضاع صداه
وسط صوت كل الاهات
و نني عينك
اللي كان من نظره
واحده بيحتويني
ضعت منه زي
ما ضاعت سنيني
لمسه يديك
بقت ألم
بعد ماكانت هي بتداويني
اللي اتزرع
في سنين كتيره انا عيشتها
راح في لحظه
وزي مازرعت ف قلبي محبتك
في ثانيه برضه اخدتها قسوتك
0 التعليقات:
إرسال تعليق