يا ما كان فى نفسى
ياما كان فى نفسى اكون على الشجر عصفور
يفرد جنا حه فى الهوا ويطير
عصفور يسافر فى الفضا بحريه
ما يكونش جوه قفصه اسير
يطير فى بستان الحب ويغرد ويملا قلبه عبير
بس اعمل ايه لو كان جناحه كسير
هيفضل على الغصن يحلم انه يطير
..........................................
ياما كان فى نفسى اكون فراشه زاهيه بالالوان
تطير وسط الزهور الجميله اللى منوره البستان
تتوه الوانها فى الوان الزهور
وتدوب فى اوراقها كمان وكمان
بس اعمل ايه لو طارت على زهره قاسيه
وجرحها شوكها وبهتت الالوان
............................................
ياما كان فى نفسى اكون سحابه فى السما هايمه
ياخدها الهوا ويجيبها تظلل وتروى بالندى جزيره الاحلام
وتعيش مع العشاق وتسمع صوت غناهم واحلى كلام
بس اعمل ايه لو جالها ريح عاتى ما لهوش امان
فتتها حبات مطر حايره وطايره مالهاش فى الهنا عنوان
.........................................
يا ما كان فى نفسى اكون سندريلا فى زمان مسحور
وييجى الامير على حصانه ياخدها على قصره البنور
وتعيش معاه فى التبات والنبات ويهديها عقد النور
بس اعمل ايه لو كانت سندريلا سجينه فى قصرها المهجور
ولا يقدر يوصلها اميرها ولاهى تعدى بحور
0 التعليقات:
إرسال تعليق