دمعه
يا دمعه نبتت ع الجفون طاله وخايفه تنزلى
احترت فيكى يا دمعتى.
.
.دمعه فرح؟؟؟
.دمعه فرح؟؟؟
ولا انتى بدايه شجون
استنى يا دمعه اصبرى.
.اتجمدى..اتحجرى
لو نزلتى عمرى فيكى هينقضى
لو نزلتي كيانى راح يهون
هارفع ايديا للسما
انا عارفه فيه رب غفور
هيضمنا...هيكون لنا..
ملجأ وامن م الشجون
ياقمر ياعالى فى السما
غمض عينيك واحلم معايا
باحلم بيوم تمسح اسايا
يوم قريب مش بعيد
يوم جى بكره من جديد
يوم شمسه دافيه مش حريقه
يوم ضيه يملا الكون حقيقه
قمره يغنى للونس مش للدموع
غنوه حلوه تفكر كل غايب بالرجوع
0 التعليقات:
إرسال تعليق