يا عين مليانه حنيه بتقسي ليه
يا عيون مليانه حنيه
بتقسي ليه
لا هو الظلم من طبعك
ولاانتي ليه
دي قسوه ف قلبك اتزرعت؟
ولا دي بس قسوة عين؟
القلب القاسي مش منك
ياعين نظرتها شوق وحنين
شيلي القسوه من قلبك
يا عين غنت لكل حزين
يا عين مليانه حنيه
بتقسي ليه
قلوب حواليكي تندهلك
وحتي لنظره تشتاقلك
ياعين مليانه بالطيبه
حقيقتك ايه؟
لما انتي القسوه من طبعك
كذبتي ليه؟
عمر العين ما بتكذب
وحالك ايه
نظرتك ليه كده ماتت
حصلك ايه
يا عين مليانه حنيه
بتقسي ليه
خليكي نبع حنيه
بيسقي الورد في البستان
خليكي لمسه سحريه
نغم يعزف في كل مكان
خليكي عبير
بيملا الكون دفا وامان
من غير حروف ولا صوت
بتمحي الهم والاحزان
ياعين مليانه حنيه
بتقسي ليه
0 التعليقات:
إرسال تعليق