اوعاك يا صاحبي
اوعاك يا صاحبي تعيش
الحلم علي انه حقيقه
اوعاك في يوم قلبك
يقولك انه ممكن يتحول حقيقه
عيش في حلمك احلي
دقايق ممكنه
عيشه عمرك اللي مش
قادر تعيشه في الحقيقه
عيشه وروح معاه دنيا
ترسمها بايديك
دنيا بتاعتك مش دنيا
حد رسمهاليك
بس وانت عايش دنيتك...
اوعاك يا صاحبي تكدب
او تخون
اوعاك تدوس علي قلب
يكون حنون
تقدر تعيش الحلم وانت
واقف علي ارض الحقيقه
عشان ما تروحش وتوه
ويضيع الحلم الحقيقه؟؟
حلمك جميل
مش هاختلف ابدا معاك
لو قدرت في لحظه ترجع
لوقدرت لما ترجع ان
قلبك يرجع معاك
ولو في يوم ياصاحبي
حلمك اتحول حقيقه
عيش وافرح واتهني بيه
ولو صحيت م الحلم
ورجعت تاني للحقيه
يبقي بلاش الحلم ده
يبقي تعيش وانت راضي
بالحقيقه
حتي دنيتنا ياصاحبي
هتبقي حلم
يوم ما نصحي ع الحقيقه
ونحسها كانت دقيقه
يوم ما هنقابل رب
العباد
ويحاسبنا علي كل ثانيه
او دقيقه
0 التعليقات:
إرسال تعليق