تاهت وتهنا فيها
راحت ودوبنا بيها
شوق ويا حنين
ننسى قساها ساعات
ونسامح وننسى حاجات
نغمض عنينا
ونحلم حلمنا
نعيش وياه و نصفى
وكأننا عملنا
دنيا لوحدنا
يمر الحلم بينا
نصدق كذبنا
نغزل منه حكايات
تمام علي قدنا
وبلون البحر توب
يجمل عمرنا
نسمع وشوشاته
يحكي ويقولنا
وسحابه طايره فوقنا
تظلل شمسنا
ف عز الحلم نصحى
على غدر البحر سبقنا
وطعننا ف قلبنا
الموج بقى اعصار
وبكل القسوة ثار
دمر توب النهار
وأخده مننا
بقت السحابه غيم
ومطر شايل وجع
مبقاش خلاص سند
ولا حضن يضمنا
نصحى على صوت سؤال
لوكان الحلم طال
كان وجعنا زال
ولا ده قدر
وكان مكتوبلنا
والذنب ذنب مين
كابوس وكان لعين
ولا حنا الغلطانين
صدقنا كذبنا
همسات قلم نور الهدايه