كتير حذروني منه
كتير حذروني منه
وقالوا انه خطير
ماهم شايفينه بصورة
فيها مبالغه كتير
وانا بطابعي عنيده
حبيت اعرف اشوف
فيه ايه ليهم اثير
لقيته انسان عادي
صاحب اسلوب تفكير
متميز بعقله
وطريقته في التعبير
حبيت اعرف اشوف
فيه ايه ليهم اثير
لقيته انسان عادي
صاحب اسلوب تفكير
متميز بعقله
وطريقته في التعبير
ما انكرش
لفت نظري مش
اكتر من كده
قلت :
اعرفه وماله
وايه العيب في ده
قربت منه حبه
انا اصلي بنفسي واثقه
وكمان متأكده
في قربه عرفت حقيقته
وشفت اللي في قلبه
وسمعت تنهده
الحب دنيته
حرفه خيط حرير
واللي يقرب منه
بيه بيقيده
وتفوق تلقاه في قلبك
وبيسري جوه نبضك
ولا تقدر تبعده
خطوة وراها خطوة
قال اني جوه قلبه
ملكه متوجه
بصيت في عينيه لقيت
اسماء مالهاش عدد
ملامحها متشابهه
ومش متحددة
كل واحده منهم
واقعه في سحر حرفه
وعايشه زي نجمه
في سماه متوهجه
بينهم شفت صوره
ملامحها مش غريبه
ثابته متبته
سألته ..
قال :دي انتي
خلاص ما بشوفش غيرك
رديت وقلت :لسه
أنا مش متأكده
مسح عينيه بأيده
اختفت كل صوره
.وقالي:
انتي في حياتي يانوور
روح متفرده
شفت في عينيه كلام
ماقالوش لاحد تاني
عرفه قبل كده
سمعت قلبه بيهمس
بحروف اسمي بشوق
وصورتي جوه قلبه
زهرة موردة
فجأه جتلي رساله
من عقلي... بعتها ليا
وبيقولي اصحي
فوقي
القلب مش هديه
يتهادي بنظرتين
وكلام حب وحنيه
القلب جوهرة
غيرقابله للتداول
بكل بريق الدنيا
رد قلبي عليه
ده هو العمر كله
بحلوه قبل مره
والدنيا الهنيه
وانا عنده
حب عمره
وآخر رحلته
مهما كانت شقيه
هو لقلبي نصيبه
وانا بس اللي حبيبه
بالعند..... في دي .....ويا ديه
0 التعليقات:
إرسال تعليق