رباعيات نور 2
يوم ورا يوم م العمر بيعدي..
وكل يوم بيفوت الجرح يتجدد..
ولما الشمس بتشرق
نحلم به يتبدد
يطول الحلم..
ويعود..
ويردد:
علي فين تروح مني
..دانا سابقك ..
وف قدرك متوحد
وعجبي
**************
رسمت ضحكه كدابه
تداري الدمعه علي خدي
شافوها الناس
وسألوني
سلامه خدك الوردي؟؟
كتمت الحزن في قلبي..
مسحت الدمع بكفي..
رجعت كتبت بحرفي:
ده دمع الفرح..
سامحوني
مش قصدي
وعجبي
***************
يا قلبي اصبرما تيأسشي
هترجع بالدفا شمسي..
هننسي الليل واحزانه..
وطريق الفرح راح نمشي
دق الحب علي بابنا
فتحنا لقينا احبابنا
باحلامنا واحلامهم
عيون الحب ما تنامشي
وعجبي
***************
ياقمر الحب يا عالي
حبيبي زيك كده غالي
منور في السما ضيه
نجوم هايمه في مداره
وليل ونهار بيحتاروا
حبيبي ادي مين قلبه
وعجبي
********************
قلبي يا طير فارد جناحه في السما وطاير
اوعي تنزل لارض الدنيا وتغامر
ساعتها الحب راح ياخدك
وهتوه وهتعاني
خليك وسط السحاب سلطان
الحب لحظه سعاده
وباقي العمرشقي
واحزان
**************
0 التعليقات:
إرسال تعليق