ياخالق الاكوان
يا خالق الاكوان ...يا ارحم الراحمين
كرمك على الخلق نازل وذنوبنا اليك طالعين
وبرحمتك يارب بترزق العالمين
جعلت بين الصلاة والصلاة غفران للساجدين
وخلقت مع كل فجر جديد ومسا
ملايكه كل يوم بالرزق والرحمات نازلين
وبين الجمعه والجمعه كفاره لذنوب المخطئين
ولما ييبجى رمضان ....شهر الغفران...
بتغفر لنا مابين الشهرين
سبحانك بفضلك وكرمك ..يا اكرم الاكرمين
جعلت حج بيتك الحرام سماح ومحبه للمسلمين
يارب جينا على بابك وليك القلوب فاتحين
وجهنا قلوبنا لقبلتك... والعقول خاضعين
يارب خفضنا رؤوسناو والايدين اليك رافعين
يارب امرتنا بالصوم والسجود
عجلنا اليك بالمحبه طائعين
بلغنا رمضان اجعلنا من الصايمين
قدرنا يارب نقضيه صيام وقيام
وخشوع ولكتابك من الحافظين
بك نستعين يارب من ضعف نفوسنا
قوينا على الشياطين
ارزقنا يارب حج بيتك واجعلنا مقبولين
احسن ختامنا يارب..واجعلنا من الفايزين
ويوم ما يحين الاجل
يارب اقبضنا نكون ساجدين
0 التعليقات:
إرسال تعليق