باب السعاده
ياباب السعاده عرفنى طريقك فين
دورت ع المفتاح ..تهت في العناوين
دقيت على بابك ما لقيت بشر سامعين
وحتى لو سمعوا...برضه ما هم فاتحين
ياباب السعاده عرفنى..مفتاحك اجيبه منين
سألت الحب قال: عندى....واسألى العاشقين
نزلت ارض العشق..لقيتها دموع وجراح
والكل حيران فى شوق وحنيــــــــــــــــــن
سألت المال..قال: انا البهجه .....
.انا الزينه...... واسألى العايشين
نزلت ارض الغنى..لقيت قلق..وقله راحه
وكل صاحب مال كان همه ..يزيده منين؟؟؟؟؟؟؟
وانا تايهه بالف وادور ..
لقيت راجل سعيد والفرحه ماليه عنيه
سألته ..قولى يا عمى الاقى مفتاح السعاده فين؟؟؟؟؟؟؟؟
ضحك بعيونه وقلبه ..وقالى:
يا بنتى بالرضى بقسمه رب العالمين
...........................
0 التعليقات:
إرسال تعليق