مين ظالم ومين مظلوم
حد يقدر يقولى مين ظالم ومين مظلوم
ابليس لما عصى..جادل..وقال: مظلوم
كل واحد فينا عايش يوم ظالم, ويوم مظلوم
حتى صياد الطيور لو فشل يحزن و يقول مظلوم
قاتل الروح البريئه يصرخ من قلبه يقول مظلوم
بياع القلوب بيشكى جروحه ويقول مظلوم
مين فينا عمره كان للتانى مش ظالم انما مظلوم
مين فينا فى نظر نفسه ظالم ومش مظلوم
عمرك سألت غيرك لما اختلفت معاه مين ظالم ومين مظلوم
عمرك سألت نفسك لما اتجرحت مين ظالم ومين مظلوم
عمرك سرحت فى سنين عمرك وسألتها مين ظالم ومين مظلوم
عمر دمعك حكالك الدمعه دى دمعه ظالم ولا مظلوم
لو قدرت تجاوب وانت راضى كل الرضا
تاكد .انك ظالم ومش مظلوم
0 التعليقات:
إرسال تعليق