العرافه
يا خطوط على كفى مرسومه بحرف النور
قرتها عرافه عجوزه قالتلى يا بدر بدور
على كفك اترسم قدرك
فى كل خط كلام طلسمه مسحور
ده خط العمر يا بنتى فيه العذاب محفور
العمر طوله يعلمه ربى
اماالسعد...
فيه مخفى ومش منظور
يمكن دقيقه..يمكن ثوانى
يمكن يكون السعد قدامك
ويمكن يا قمره يكون محظور
وخط القلب مش واضح
حروفه تايهه ممسوحه
مكتوب كلام
مرسوم آلام
وفيه الضحكه مكبوته
طلسمه للسحر متلازم
وفك السحرمتآزم
عشان يتفك هيحير
لازم نلف وندور
وييجى امير على حصانه
بنظرة عينه مش اكتر
يفك ويفتح الطلسم
واللى هناك... فى حرف الكف متخفى
ده خط المال
ومين يا صبيه هيهمه غنى ولا مال
لو كان العمرهيعدى وبخته مال
والقلب حزين وبيدارى
لاعاش فرحه و لا ضحكه
ولاحتى فارقته الاحمال
0 التعليقات:
إرسال تعليق