سالني الناس عن الحب
سالني الناس عن الحب
وهمس الليل
قالوا ايه في الحب قاسي
وليه همسه بيبقي جميل
قلتلهم حبي في قلبي
عايش ونبضه من نبضي
مكانه بس جوايا
ولا اقدر اسيبه يفارقني
ولا عمره بعد عني
الحب طفل خبيته
في وجداني
بيه اتنفس... واتونس وهو
معايا شيء تاني
انام واصحي علي صورته
واعيش واحس بيه وحدي
واخاف في يوم لو سابني
وفكر حد يشاركني
يضيع حبي ويجرحني
باحب الحب لذاته
معني جميل بهمساته
واخاف لو يوم يتجسد
ويبقي حقيقه ملموسه
ساعتها يتسرق مني
يروح همسه وجماله
وتفضل بس احزانه
هاشيله ف قلبي وف عيني
واغنيله.... ويحكيلي
واسمع همسه يناجيني
واعيش وياه سهر ليلي
0 التعليقات:
إرسال تعليق