من غير حروف
من غير حروف ولا صوت وصلني مكتوبك
وعلي نسمه حلوه نديه سمعت انا صوتك
همسك في بعدك ناداني
لبيت انا بروحي
ولما طيفك جاني داويت انا جروحي
صوتك لقلبي وصلني وكأني في الاحلام
ومن غير ما اسمع اخدني
وقالي احلي كلام
قالي سنيني وعمرى..عايش انا ليكي
قالي بحناني وحبي هانور لياليكي
قالي علي جناح الشوق جايلك انا طاير
قلت مكانك في قلبي يا اعز من عيني
ولما طلع النهار
فتحت انا عيني
طلعت عيون بتكذب
وهي حتي مغمضه
تحلم كتير
وتقول كتير
وف لحظه يطلع شخبطه
0 التعليقات:
إرسال تعليق